परिसंघका विधान अनुसार वरिष्ठ उपाध्यक्ष हुनेवाला अध्यक्ष हुन् । अध्यक्ष सतिशकुमार मोरको कार्यकालपछि वरिष्ठ उपाध्यक्ष विष्णु अग्रवाल स्वतः अध्यक्ष बन्ने छन् । नियमित साधारणसभा भएमा एक वर्षपछि परिसंघकाे अध्यक्ष अग्रवाल बन्ने छन् ।

विष्णु अग्रवाल परिसंघको स्थापनादेखि नै सक्रिय र विषेश योगदान गरेको व्यक्ति हुन् । उनी एमएडब्लु इन्टरप्राइजका प्रबन्ध निर्देशक हुन् ।
यामाहा, जीप, स्कोडा, फियाट लगायत सवारी साधानको व्यापारमा केन्द्रीत एमएडब्लु इन्टरप्राइजले जेसीवी, स्कोट्स, म्यानलगायतको हेवि इक्वीप्टमेन्टको व्यापार समेत गर्दै आएको छ ।

एमएडब्लुले म्यूजिकल इन्स्र्टूमेन्ट वि एण्ड टीको पनि व्यापार गर्छ । त्यस्तै, अग्रवाल एमएडब्लु इन्भेष्टमेन्ट, एमएडब्लु इन्जिनियरिङ कम्पनीका पनि प्रबन्ध निर्देशक छन् । उनी युनाईटेड फाइनान्स लिमिटेडको संस्थापक र सञ्चालक दुबै हुन् । उनी नेपालका लागि चेक गणतन्त्रको अबैतनिक राजदूत पनि हुन् ।