काठमाडौ । विश्वब्यापी महामारीको रुपमा फैलिएको कोरोना भाइरसको संक्रमण कागेश्वरी मनोहरा नगरपालिकामा पनि दिनानुदिन बढ्दै गएको अवस्थामा कागेश्वरी मनोहरा नगरपालिकामा आज भदाै २ गते नगरस्तरीय जनस्वास्थ्य आपतकालीन बैठक सम्पन भएको छ ।

उक्त बैठकमा नगर प्रमुख कृष्णहरि थापा ,प्रमुख प्रशासकीय अधिकृत गिरिराज ज्ञावली, नगर प्रवक्ता राजाराम पुडासैनी, स्वास्थ्य शाखा सह संयोजक लक्ष्मी कोइराला, महानगरीय प्रहरी वृत्तका कार्यालय प्रमुख प्रहरी नायब उपरीक्षक नबिन कार्की , महानगरीय प्रहरी प्रभाग साँखुका कार्यालय प्रमुख प्रहरी निरीक्षक गोबिन्द पन्थी, कागेश्वरी मनोहरा नगरपालिकाका जनप्रतिनिधिहरुको उपस्थिति रहेको थियो ।