काठमाडौं । राष्ट्रिय व्यवसायी महासङ्घले बन्दाबन्दी अवधिभर बैंकको ब्याजदर शतप्रतिशत छुट दिन माग गरेका छन् । राष्ट्रिय व्यवसायी महासङ्घले शुक्रबार प्रेस विज्ञप्ति जारी गर्दै कोभिड–१९ को कारण व्यापार व्यवसाय धराशायी बन्दै गएको भन्दै सरकारले सहुलियत स्वरुप व्यवसायीलाई बन्दाबन्दी अवधिभर बैंकको ब्याजदरमा शतप्रतिशत छुट दिन माग गरेको बताएको छ ।

महासङ्घका अध्यक्ष नरेश कटुवालले बैंक तथा वित्तीय संस्थाको किस्ता तथा ब्याज तिर्ने भाका कम्तीमा एक वर्ष पछाडि सार्न माग गरेका छन् । “बन्दाबन्दी अवधिभर व्यावसायिक घरभाडामा पूरै छुट दिनुपर्छ”, उनले भने ।

महासङ्घले पुनःकर्जा कोषमा साना उद्योगी व्यवसायीको पहुँच सुनिश्चितता गर्न माग समेत गरेको छ ।