काठमाडौँ । नेपाल वायुसेवा निगमका कार्यकारी अध्यक्ष युवराज अधिकारीले नेपाल नागरिक उड्डयन प्राधिकरणसमक्ष स्पष्टीकरण बुझाएका छन् । अधिकारीले सोमबार स्पष्टीकरणसहितको पत्र प्राधिकरणमा बुझाएका हुन् ।

निगमले हवाई सुरक्षामा गम्भीर लापरबाही गरेको भन्दै कार्यकारी अध्यक्ष अधिकारीलाई प्राधिकरणले स्पष्टीकरण सोधेको थियो । प्राधिकरणले गत चैत १३ गते २७ बुँदामा सात दिने स्पष्टीकरण सोधेको हो ।

निगमका कार्यकारी अध्यक्षले स्पष्टीकरण पत्र बुझाएको र यसबारे अध्ययन भइरहेको प्राधिकरणका सूचना अधिकारी ज्ञानेन्द्र भुलले जानकारी दिए । स्पष्टीकरणमा चित्तबुझ्दो जवाफ छरछैन अध्ययन गरेर अघि बढ्ने भुलले बताए ।