डिप्रोक्स लघुवित्तको नगद लाभांश सेयरधनीको बैंक खातामा
काठमाडौं । डिप्रोक्स लघुवित्त वित्तीय संस्थाले आफ्ना सेयरधनीलाई ११.०५२ प्रतिशत नगद लाभांश खातामा पठाइदिएको छ । लघुवित्तले डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिएको हो ।
लघुवित्तले हालसम्म नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न भनेको छ । अपडेट गरेपछि लाभांश पाइनेछ ।
कम्पनीको फागुन ३० गते बसेको साधारण सभाले आर्थिक वर्ष २०७८/७९ को नाफाबाट १० प्रतिशत बोनस सेयर र ११.०५२ प्रतिशत नगद लाभांश वितरण गर्ने प्रस्ताव पारित गरेको थियो । बोनस सेयर डिम्याट खातामा पठाउन भने केही समय लाग्नेछ ।
८ चैत २०७९, बुधवार ०५:२८ बजे प्रकाशित
