काठमाडौं । वोमी लघुवित्त वित्तीय संस्थाको खुद नाफा १९५.२७ प्रतिशतले वृद्धि भएको छ । चालु आर्थिक वर्षको पहिलो त्रैमाससम्ममा वोमीले ४ करोड ९१ लाख ७७ हजार रुपैयाँ खुद नाफा कमाएको छ ।

गत वर्ष सोही अवधिमा १ करोड ६६ लाख ५५ हजार रुपैयाँ मात्र खुद नाफा गरेको थियो । खुद ब्याज आम्दानी र सञ्चालन नाफामा सुधार भएपछि खुद नाफामा पनि आकर्षक वृद्धि भएको हो ।

यता, रिजर्भ कोष, निक्षेप संकलन तथा कर्जा लगानी लगायत सूचकमा पनि विस्तार भएको छ । प्रतिसेयर आम्दानी २३ रुपैयाँ ७७ पैसाले बढेर ४७ रुपैयाँ ७५ पैसा पुगेको छ ।

गत वर्षको यसै अवधिमा प्रतिसेयर आम्दानी २३ रुपैयाँ ९८ पैसा मात्र थियो । हाल सूर्योदय लघुवित्तसँग मर्जर प्रक्रियामा रहेका कारण वोमीको सेयर कारोबार रोक्का रहेको छ ।