काठमाडौं । चालु आर्थिक वर्षको पहिलो त्रैमासमा एनएमबि लघुवित्तको खुद नाफामा झिनो वृद्धि भएको छ । खुद नाफा गत वर्षको यसै अवधिको तुलनामा ३.८८ प्रतिशत ले मात्र बढेर ३ करोड २४ लाख ६० हजार रुपैयाँ पुगेको छ ।

खुद ब्याज आम्दानी ४०.४९ प्रतिशतले बढेर ११ करोड १५ लाख ९ हजार रुपैयाँ पुगेको छ । यद्दपि, प्रोभिजनको रकम ६१२.८७ प्रतिशतले बढेपछि सञ्चालन नाफामा भने ४.०२ प्रतिशत मात्र सुधार भएको छ । असोज मसान्तसम्म सञ्चालन नाफा ५ करोड १३ लाख ६८ हजार रुपैयाँ छ ।

यता, एनएमबिको निक्षेप संकलन १०.६१ प्रतिशत र कर्जा लगानी २०.०६ प्रतिशतले बढेको छ । रिजर्भ कोषमा ३१.१० प्रतिशत ले सुधार गरी ३९ करोड ७५ लाख ६२ हजार रुपैयाँ जम्मा गरेको छ । चुक्ता पुँजी ५३ करोड ९८ लाख ५ हजार रुपैयाँ पुगेको छ ।

कम्पनीले सोही पुँजीमा २१.५० प्रतिशत बोनस सेयर दिने घोषणा गरेको छ । जसबाट आगामी दिनमा पुँजी थप बढ्ने देखिन्छ । यता, पुँजी बढे अनुसार नाफा बढ्न नसक्दा प्रतिसेयर आम्दानी ३ रुपैयाँ ५० पैसाले घटेर २४ रुपैयाँ ५ पैसामा आएको छ ।