काठमाडौं । उन्नति सहकार्य लघुवित्तको थप सार्वजनिक निष्कासन -एफपीओ_ मा पहिलो दिनमै मागभन्दा ३४.५४ गुणा बढी आवेदन परेको छ । यसमा पहिलो दिन आज साँझ ५ः०८ बजेसम्ममा ३२ करोड ३३ लाख २८ हजार रुपैयाँ बराबरको आवेदन परेको छ ।

यसमा २ लाख ८३ हजार ३४४ जना आवेदकहरुले ३२ लाख ३३ हजार २८० कित्ताका लागि आवेदन दिएका हुन् । सर्वसाधारणलाई खुला गरिएको सेयरलाई आधार मान्दा यो आवेदन १८=११ गुणा बढी हो । यसमा कात्तिक २४ गतेसम्म आवेदन दिन सकिनेछ ।

कम्पनीले आज -कात्तिक २१ गते_ देखि १ करोड ७८ लाख ४५ हजार ४५१ रुपैयाँ बराबरको एफपीओ निष्कासन गरेको हो ।

यस कम्पनीले प्रतिकित्ता १०० रुपैयाँमा १ लाख ७८ हजार ४५१ कित्ता एफपीओ जारी गरेको हो । बैंक तथा वित्तीय संस्था सम्बन्धी ऐन २०७३ को दफा ९ बमोजिम सर्वसाधारणको पुँजी संरचना ३० प्रतिशत कायम गर्न लघुवित्तले एफपीओ ल्याएको हो ।

साविकको उन्नति लघुवित्त र सहकार्य लघुवित्त एकआपसमा गाभिएपश्चात बनेको उन्नति सहकार्य लघुवित्तको पुँजी संरचना संस्थापक समूहको ७५.४५ प्रतिशत र सर्वसाधारणको २४.५५ प्रतिशत कायम भएको थियो ।

उक्त पुँजी संरचना ऐन अनुसार मिलाउन यस लघुवित्तले एफपीओ जारी गरेको हो । कम्तिमा ३० प्रतिशत सर्वसाधारणको हिस्सा हुनुपर्ने व्यवस्था छ । एफपीओपछि संस्थापक हिस्सा घट्नेछ भने सर्वसाधारणको स्वामित्व बढ्नेछ ।