काठमाडौँ । सुजल डेरीले स्वादिष्ट चियाका लागि आफ्नो उत्पादन ‘डिलाइट डेरी ह्वाइटन’ बजारमा सर्वत्र बजारमा उपलब्ध रहेको जनाएको छ ।

‘डिलाइट डेरी ह्वाइटन’ एक उत्पादन मात्र नभई, नेपाली जीवनशैलीकै उत्सव भएको कम्पनीको भनाइ छ ।

गाई र भैंसीको शुद्ध दूधबाट अत्याधुनिक स्प्रे ड्राइङ प्रविधिको प्रयोग गरी बनाइएको ‘डिलाइट डेरी ह्वाइटन’ले चियामा क्रिमीपन थप्दै साधारण चियालाई पनि सन्तुष्टिको क्षणमा रूपान्तरण गर्ने कम्पनीको दाबी छ ।

कम्पनीका अनुसार जम्मा तीन चम्चा ‘डिलाइट डेरी ह्वाइटन’ १८० मिलि मन तातो पानीमा घोलेर चिया वा कफीलाई अझ स्वादिलो बनाउन सकिनेछ ।

यो घर नजिकैको किराना पसलदेखि भाटभटेनी, सेलवेज, सेल्सबेरी, र बिगमार्टजस्ता ठूला स्टोरहरूमा, सजिलै पाउन सकिने छ भने दराज (Daraz), ठूलो डटकम (Thulo.com), र स्मार्टडोको जस्ता ई–कमर्स साइटहरूमा पनि उपलब्ध रहेको कम्पनीले जनाएको छ ।

४०० ग्रामको ४७० र ८०० ग्रामको ९०० रुपैयाँ उपभोक्ता मूल्य तोकिएको यो उत्पादन दुई सुविधाजनक प्याकमा उपलब्ध रहेको जनाइएको छ।