काठमाडौं। सरकारले पुँजीबजार सुधारको लागि २१ बुँदे पुनरूत्थान कार्ययाेजना सार्वजनिक गरे पश्चात् भदाै ३० गते ४८. ५७ अंकले उकालो लागेको नेप्सेको उच्च बृद्धिमा त्यसपछिको कारोबार दिनमा भने ब्रेक लागेको छ ।

साताको तेस्रो कारोबार दिन हिजाे भदाै ३१ गते बुधबार शेयर बजार परिसुचक नेप्से २१.१९ अंकले ओरालो लागेर २६१२.४२ बिन्दुमा खुम्चिएको छ ।

“क” बर्गका कम्पनीहरुको कारोबार मापन गर्ने सेन्सिटिभ इन्डेक्स पनि ३.७७ अंकले ओरालो लागेर ४६३.६८ बिन्दुमा खुम्चिएको छ ।

धितोपत्र बजारमा हिजाे भदाै ३१ गते ३५० वटा कम्पनीहरुको ५५ हजार ८ सय ३१ पटकको कारोबारमा एक करोड ५१ लाख एक हजार ५ सय ५५ कित्ता शेयर खरिद बिक्री भएकाे थियाे।

सोही खरिद बिक्रीका आधारमा हिजाे कुल कारोबार रकम ५ अर्ब ३८ करोड ९५ लाख ७४ हजार ६ सय ४८ रुपैंयाँ कायम भएको थियाे ।

धितोपत्र बजारमा हिजाे १३ वटा उपसमुहहरुको शेयर कारोबार भएका थिए । जसमध्ये बाणिज्य बैंक, बिकास बैंक, फाईनान्स कम्पनी , जलबिद्युत, जीवन बीमा, निर्जीवन बीमा, लघुवित्त सहितका १३ वटै उपसमुहहरुको सुचक ओरालो लागेर शेयर बजार राताम्मै देखिएको थियाे । सेयर बजार सुधारका कार्ययोजनाले पनि सुधार देखिएन।