काठमाडौं । कर्जा सूचना केन्द्रले लाभांश घोषणा गरेको छ । कर्जा सूचना केन्द्रको मंसिर १९ गते बसेको सञ्चालक समितिको बैठकले १० प्रतिशत लाभांश वितरण गर्ने प्रस्ताव गरेको हो ।

कर्जा सूचना केन्द्रले प्रतिसेयर १० रुपैयाँ अर्थात् चुक्ता पुँजीको १० प्रतिशतका दरले ४ करोड ३६ लाख २५ हजार ३८० रुपैयाँ बराबरको नगद लाभांश वितरण गर्ने प्रस्ताव गरेको हो ।

लाभांश पारित गर्न पुस २८ गते काठमाडौंमा बिहान साढे ११ बजे २०औँ वार्षिक साधारण सभा डाकेको छ । साधारण सभाले आर्थिक वर्ष २०८०/८१ को सञ्चालक समितिको वार्षिक प्रतिवेदन र लेखापरीक्षको प्रतिवेदन पारित गर्नेछ ।

यस्तै, आर्थिक वर्ष २०८१/८२ को लागि लेखापरीक्षकको नियुक्ति र पारिश्रमिक ३ लाख रुपैयाँ निर्धारण गरिएको प्रस्ताव अनुमोदन गर्नेछ ।

अघिल्लो वर्ष कर्जा सूचना केन्द्रले प्रतिसेयर २० रुपैयाँ अर्थात् चुक्ता पुँजीको २० प्रतिशतका दरले ८ करोड ७२ लाख ५० हजार ७६० रुपैयाँ बराबरको नगद लाभांश वितरण गरेको थियो ।