काठमाडौं । नेपाल रिपब्लिक मिडियाको आज कात्तिक ३ गते शुक्रबार साधारण सभा बस्दैछ । साधारण सभा इन्द्रेणी ब्यांकेट, जडिबुटी चोक काठमाडौंमा बिहान १०ः३० बजे सुरु हुनेछ ।

सभामा सर्वसाधारण सेयरधनीको तर्फबाट १ जना सञ्चालकको निर्वाचन गर्ने एजेन्डा रहेको छ । यस्तै, आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा पनि छलफल हुनेछ ।

आर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ । लाभांश वितरणको भने कुनै एजेन्डा छैन ।

नेपाल रिपब्लिक मिडियाले गत जेठ २६ गतेदेखि ३० गतेसम्म सर्वसाधारणको लागि ३६ लाख १९ हजार ८९१ कित्ता सेयर आइपीओ बिक्री खुला गरेको थियो । उक्त सेयर अहिले नेप्से सूचीकृत भएर कारोबार भइरहेको छ ।