सन्तोष प्रसाईले नेपाल लाइफ इन्स्योरेन्स छाडे

काठमाडौं । नेपाल लाइफ इन्स्योरेन्स लिमिटेडका प्रमुख कार्यकारी अधिकृत सन्तोष प्रसाईले कार्यकाल पूरा नभइ राजीनामा दिएका छन् । कम्पनीको संचालक समितिसँग विवाद परेपछि प्रसाईले कार्यकाल नसकिँदै राजीनामा दिएको बताइएको छ ।

तत्कालीन सीइओ विवेक झाले २ कार्यकाल पूरा गरी संस्था छाडेपछि डेपुटी सीइओको रुपमा कार्यरत प्रसाईंलाई गत २०७७ माघ २७ गते बसेको संचालक समितिको बैठकले सीइओ बनाएको थियो ।

यसरी प्रसाईले कार्यकालको ९ महिना नबित्दै सीइओ पदबाट राजीनामा दिएका छन् । उनले आफ्नो राजीनामा कम्पनी संचालक समिति र बीमा समितिमा समेत बुझाएको नेपाल लाइफ इन्स्योरेन्स लि। स्रोतले जानकारी दिएको छ ।

विवेक झाले इन्स्योरेन्स छाडेपछि नेपाल लाइफ इन्स्योरेन्सले उल्लेख्य प्रगति गर्न नसकेको बताइन्छ । बीमा अभिकर्ता तथा कतिपय आन्तरिक विवादहरु मिलाउन तथा व्यवस्थापन गर्न समेत प्रसाईंले नसकेपछि उनको परफरमेन्समाथि पटक(पटक प्रश्न उठ्ने गरेको थियो । यिनै विषय लम्बिँदै गएर विवाद उत्कर्षमा पुगेपछि प्रसाईले राजीनामा दिएका हुन्।

प्रसाईको राजीनामासँगै नेपाल लाइफ इन्स्योरेन्समा सीइओको रुपमा संस्थाबाहिरबाट कुशल व्यवस्थापक ल्याउने तयारी भइरहेको बुझिएको छ । शिवनाथ पाण्डे, महेश ढकाल लगायतका नामहरु नेपाल लाइफको भावी सीइओको रुपमा चर्चामा आएका छन्