अजोड ईन्स्योरेन्सले दोस्रो वार्षिक साधारण सभामा सञ्चालक समितिको तर्फवाट अध्यक्षद्वारा प्रस्तुत आ.व. २०७५–०७६ को वार्षिक प्रतिवेदन पारित गरेको छ । साथै लेखापरीक्षकको प्रतिवेदन सहितको आ.व. २०७५–०७६ को वासलात, नाफा नोक्सान हिसाब, आय व्यय हिसाब तथा नगद प्रवाह विवरण र सो सँग सम्बन्धित अनुसूचिहरु सहितको वित्तीय विवरण उपर छलफल गरि पारित गरेको छ । सर्वसाधारण शेयर सार्वजनिक निष्काशन गर्ने प्रस्ताव पनि पारित गरेको कम्पनीले जनाएको छ ।
कम्पनी सञ्चालनमा आएको छोटो अवधिमा नै प्रधान कार्यालय ७ वटा प्रादेशिक कार्यालय (विराटनगर, विरगंज, हेटौंडा , पोखरा, बुटवल, सुर्खेत, धनगढी) तथा १६ वटा शाखा कार्यालय (विर्तामोड, इटहरी, जनकपुर, नारायणघाट, बनेपा, भक्तपुर, नयाँ बानेश्वर, जोरपाटी, बुढानिलकण्ठ, बालाजु, ललितपुर, कलंकी, कीर्र्ितपुर, पर्वत, भैरहवा र नेपालगंज तथा १५ वटा उपशाखा कार्यालय (दमक, रौतहट, लाहान, जितपुर सिमरा, टाँडी, चापागाउँ, कावासोती, पालुबटार, बुर्तिवाब, दमौली, गुल्मी, पूर्वी रुकुम, टिकापुर, दाङ्ग र पश्चिम रुकुम) तथा १८ वटा तेश्रो पक्ष बीमा काउण्टरहरु (एकान्तकुना, सतुङ्गल, ठाडोभयाङ्ग, भक्तपुर, विर्तामोड, इटहरी, बिराटनगर, लहान, जनकपुर, हेटौडा, नारायणघाट, कावासोती, डुमे्र, पोखरा, बुटवल, नेपालगंज, धनगढी, सुर्खेत, ) र १ वटा ग्राहक सेवा केन्द्र (सञ्चय कोषको कार्यालय, ठमेल ) मार्फत् बीमा सेवा सुरुवात गरी बीमा सेवा प्रदान गर्न सक्षम भएको पनि जनाएको छ ।

१६ पुस २०७६, बुधवार १६:०१ बजे प्रकाशित