काठमाडौं । सिद्धार्थ इन्स्योरेन्स कम्पनीको १९ औं वार्षिक साधारण आज सभा भच्र्युअल माध्यमवाट सम्पन्न गरेको छ ।

उक्त साधारण सभामा सञ्चालक समितिका तर्फबाट कम्पनीका अध्यक्ष रतन लाल केडियाले कम्पनीको वार्षिक प्रतिवेदन तथा वित्तिय विवरण प्रस्तुत गरेको थियोे ।

कम्पनीले आ.व. २०७६/०७७ मा विभिन्न बीमा व्यवसाय अन्तर्गत १ अर्व ९६ करोड ३९ लाख रुपैयाँ बीमा शुल्क आर्जन गरेकोे थियो । साथै, उक्त सभामा कम्पनीले यस आ.व.को साधारणसभा भएको दिन सम्म २ अर्व १ करोड रुपैयाँ भन्दा वढी बीमा शुल्क आर्जन गरि सकेको जानकारी दिएको थियो ।

उक्त बीमाशुल्क संकलन गत आ.व.को सोहिको तुलनामा १६ दशमलव ०७ प्रतिशत वढी रहेको छ । सभाले हाल कायम रहेको चुक्ता पुँजी रु. १ अर्वको १२ प्रतिशत वोनस शेयर जारी गर्ने तथा ३ दशमलव ७८९४ प्रतिशत नगद लाभांस प्रदान गर्ने प्रस्ताव पारित गरेको छ ।