काठमाडौं । एभरेष्ट इन्स्योरेन्स कम्पनीले चालु आर्थिक वर्ष २०७७/७८ को तेस्रो त्रैमासिक अवधिमा १८.६१ प्रतिशतले मुनाफा बढाउन सफल भएको छ ।

कम्पनीले चैत मसान्तसम्ममा १४ करोड ८१ लाख रुपैयाँ खुद मुनाफा आर्जन गर्न सफल भएको छ । गत वर्षको यहि अवधिमा कम्पनीले १२ करोड ४९ लाख रुपैयाँ मुनाफा आर्जन गरेको थियो ।

कम्पनीले यस वर्ष ३३ प्रतिशतले कुखल बीमा शुल्क आर्जन बढाउन सफल भएको छ भने खुद बीमा शुल्क आर्जन १५ प्रतिशतले मात्रै बढेको छ ।

यहि अवधिम ३८ करोड ९१ लाख रुपैयाँ खुद बीमा शुल्क आर्जन गरेको छ भने कुल बीमा शुल्क आर्जन भने ७६ करोड ६१ लाख रुपैयाँ छ ।

समिक्षा अवधिमा बीमा कोष ३६ प्रतिशतले बढेको छ । कम्पनीको बीमा कोष ४० करोड रुपैयाँ जम्मा भएको छ । त्यस्तै शेयरधनीको जगेडा कोष पनि ६७ प्रतिशतले बढेको छ ।

जगेडा कोषमा ३४ करोड ८७ लाख रुपैयाँ जम्मा भएको छ । चुक्ता पूँजी एक अर्ब ९ करोड रुपैयाँ छ । प्रतिशेयर आम्दानी थप २ रुपैयाँले बढेर १८ रुपैयाँ पुगेको छ ।