काठमाडौं । एभरेष्ट इन्स्योरेन्सको २६औं वार्षिक साधारण सभा जेठ १० बोलाएको छ । सभा कम्पनीको प्रधान कार्यालय हात्तिसार, काठमाडौंमा दिउसो २ बजेदेखि भिडियो कन्फरेन्स मार्फत सुरु हुनेछ ।

सभामा कम्पनीले ८.४२% लाभांश वितरण गर्ने प्रस्ताव पेश गर्दैछ । कम्पनीले आर्थिक वर्ष २०७६/०७७ को नाफाबाट ८% बोनस र कर प्रयोजनको लागि ०.४२% नगद लाभांश वितरण गर्न लागेको हो ।

सभामा कम्पनीको प्रबन्धपत्र तथा नियमावलीमा आवश्यक संशोधन गर्ने बारे सम्पूर्ण अधिकार सञ्चालक समितिलाई पूर्ण अख्तियारी दिने प्रस्ताव पनि छ ।

साथै, आर्थिक वर्ष २०७७/०७८ को लागि लेखापरिक्षक नियुक्त गर्ने एजेन्डा पनि रहेको छ । सभा प्रयोजनका लागि एभरेष्ट इन्स्योरेन्सले वैशाख २९ गते बुक क्लोज गर्ने भएको छ । वैशाख २८ गतेसम्म कायम सेयरधनीले लाभांश सुरक्षित गर्न सक्नेछन् ।