मकवानपुर । लाइफ इस्योरेन्स कर्पोरेशन (एलआईसी नेपाल) ले मकवानपुर जिल्लाको पालुङ्गमा आफ्नो ७५औं शाखा कार्यालय संचालनमा ल्याएको छ । उक्त नयाँ शाखाको उद्घाटन कम्पनीको प्रमुख कार्यकारी अधिकृत लक्ष्मी प्रसाद दासले गरेका हुन् ।

कम्पनीको प्रमुख कार्यकारी अधिकृत दासले शाखाको उद्घाटन गर्दै बीमा समितिबाट शाखा स्थापनाको स्वीकृति प्राप्त भैसकेका अन्य शाखा कार्यालयहरु पनि चाँडै शुरु गरिने बताए ।

कम्पनीका नायब प्रमुख कार्यकारी अधिकृत टी. बर्णवालले पालुङ्ग क्षेत्रका स्थानीय समुदायलाई एलआईसी नेपालबाट जीवन बीमा सेवा लिई लाभान्वित हुन समेत आग्रह गरे ।