काठमाडौं । यूनाइटेड अजोड इन्स्योरेन्स कम्पनीले आर्थिक वर्ष २०८२/८३ को दोस्रो त्रैमाससम्मको अपरिष्कृत वित्तीय विवरण प्रकाशन गरेको छ । वित्तीय विवरणअनुसा कम्पनीको नाफा ऋणात्मक रहेको छ ।

समीक्षा अवधिमा कम्पनी १० करोड ६६ लाख रुपैयाँ घाटामा रहेको छ । अघिल्लो आर्थिक वर्षको सोही अवधिमा कम्पनीले ६ करोड ९६ लाख रुपैयाँ खुद नाफा आर्जन गरेको थियो ।

२ अर्ब ३१ करोड शेयर पूँजी भएको कम्पनीको चालु आर्थिक वर्षको दोस्रो त्रैमासमा स्पेसल रिजर्भमा १ अर्ब २ करोड ११ लाख रुपैयाँ रहेको छ । यस अवधिमा रिटेन्ड अर्निङ ५९ लाख ८७ हजार ऋणात्मक रहेको छ । अन्य इक्विटीमा ५९ करोड ६० लाख रहेको छ ।

अघिल्लो वर्ष असार मसान्तसम्ममा स्पेसल रिजर्भमा १ अर्ब २ करोड ११ लाख रुपैयाँ थियो । रिटेन्ड अर्निङमा १० करोड ६ लाख रुपैयाँ थियो । अन्य इक्विटीमा ६० करोड ६१ लाख रुपैयाँ रहेको थियो ।

समीक्षा अवधिमा कम्पनीले १ अर्ब ३६ करोड ६५ लाख रुपैयाँ कुल बीमाशुल्क आर्जन गरेको छ । अघिल्लो वर्षको सोही अवधिमा कम्पनीले १ अर्ब १२ करोड ४१ लाख कुल बीमाशुल्क आर्जन गरेको थियो। अघिल्लो वर्षको तुलनामा समीक्षा अवधिमा कम्पनीको कुल बीमाशुल्क आर्जन बढेको हो ।

समीक्षा वर्षमा कम्पनीले ५८ करोड ७८ लाख रुपैयाँ खुद बीमाशुल्क आर्जन गरेको छ। अघिल्लो आर्थिक वर्षको तुलनामा समीक्षा वर्षमा खुद बीमाशुल्क आर्जन ३२ प्रतिशतले बढेको हो । अघिल्लो वर्षको सोही अवधिमा कम्पनीले ४४ करोड ३७ लाख रुपैयाँ खुद बीमाशुल्क आर्जन गरेको थियो।

समीक्षा अवधिमा कम्पनीले पुनर्बीमा मार्फत ७७ करोड ८६ लाख रुपैयाँ खर्चिएको छ । गत आर्थिक वर्षको सोही अवधिमा कम्पनीले पुनर्बीमा मार्फत ६८ करोड ३ लाख रुपैयाँ खर्चिएको थियो ।

यस अवधिमा कम्पनीको प्रतिशेयर आम्दानी ९ रुपैयाँ २३ पैसा ऋणात्मक रहेको छ । प्रतिशेयर नेटवर्थ १७१ रुपैयाँ १० पैसा रहेको छ ।