काठमाडौं । सन नेपाल लाइफ इन्स्योरेन्स कम्पनीले चालू आर्थिक वर्षको दोस्रो त्रैमाससम्म आइपुग्दा २८ करोड २२ लाख रुपियाँ खुद नाफा आर्जन गरेको छ । यो गत आार्थिक वर्षको सोही अवधिको तुलनामा १४.०६ प्रतिशतले घटेको हो । गत आर्थिक वर्षमा कम्पनीले ३२ करोड ८४ लाख रुपियाँ नाफा आर्जन गरेको थियो ।

समीक्षा अवधिमा इन्स्योरेन्स कम्पनीले २ अर्ब १८ करोड ६२ लाख रुपियाँ खुद बीमाशुल्क आर्जन गरेको छ । गत आर्थिक वर्षमा कम्पनीले १ अर्ब ५८ करोड ६४ लाख रुपियाँ खुद बीमाशुल्क आर्जन गरेको थियो । गत आर्थिक वर्षको सोही अवधिको तुलनामा ३७.८१ प्रतिशतले बढेको हो ।

दोस्रो त्रैमाससम्म कम्पनीको जीवन बीमा कोषमा ८ अर्ब ९६ करोड ९४ लाख रुपियाँ रहेको छ । त्यस्तै, इन्स्योरेन्स कम्पनीको महाविपत्ति कोषमा १८ करोड ९१ लाख रुपियाँ, रिटेन्ड अर्निङमा ७७ करोड १७ लाख रुपैयाँ र अन्य इक्विटीमा ३९ करोड ६ लाख रुपियाँ रहेको छ ।

३ अर्ब ९६ करोड चुक्ता पुँजी रहेको रहेको इन्स्योरेन्स कम्पनीको वार्षिकीकृत प्रतिशेयर आम्दानी (ईपीएस) १०.२६ बाट बढेर १४.२५ रुपियाँ कायम भएको छ । त्यस्तै, मूल्य आम्दानी अनुपात ४२.९५ गुणा र प्रतिशेयर नेटवर्थ १६६.१२ रुपियाँ रहेको छ ।