आर्थिक सञ्जाल

काठमाडौं । सानिमा लाईफ इन्स्योरेन्सको मोबाइल एप मार्फत बीमितले आफ्नो विवरण घर बसेर हेर्न मिल्ने सुविधा थप गरिएको छ । सानिमा लाईफ इन्स्योरेन्स लिमिटेडले लकडाउनको अहिलेको परिस्थितिमा आफ्ना बीमितहरुले घर बसेर सानिमा लाईफको मोबाइल एप मार्फत आफ्नो विवरण आफै हेर्न सकिने सुविधा एपको सञ्चालन गरेको हो ।

सानिमा लाईफको एप सजिलै गुगल प्ले स्टोर बाट डाउनलोड गर्न सकिने कम्पनीले जनाएको छ ।  पोलिसी नम्बर र प्रस्तावकको जन्म मिति राखेर आफ्नो सम्पूर्ण विवरण हेर्न सकिने छ ।

यस एप मार्फत बीमितले लिएको बीमा योजना, कुल बीमाङ्क रकम, आफुले अहिले सम्म तिरेको बीमा शुल्कको विवरण साथै भविष्यमा कहिले र कति नवीकरण शुल्क तिर्नपर्छ भन्ने कुराको सम्पूर्ण जानकारी लिन सकिने कम्पनीले जनाएको छ ।

साथै सानिमा लाईफको यस एपमा बीमा शुल्क सहितको प्रिमियम शुल्क गणना गर्ने प्रिमियम क्यालकुलेटर सुविधा, कम्पनीको सम्पूर्ण योजनाहरुको बारे विस्तृत जानकारी,Sanima Advisors Portal र कम्पनीको सबै शाखा कार्यालयहरुको विवरण पनि उपलब्ध छ ।