काठमाडौं । सरकारले इन्टरनेट सेवाप्रदायक र्‍यापिड युनिक नेटवर्क प्रा.लि.को अनुमतिपत्र (लाइसेन्स) खारेज गरेको छ ।

नेपाल दूरसञ्चार प्राधिकरणबाट इन्टरनेट (इमेल सहितको) सेवा सञ्चालन गर्न अनुमति लिएको र्‍यापिड युनिक नेटवर्कले तोकिएको समयावधिभित्र लाइसेन्स नवीकरण नगरेकाले लाइसेन्स रद्द भएको प्राधिकरणले जनाएको छ ।

लाइसेन्स मंसिर १८ गतेदेखि खारेज गरिएको हो । साथै, कम्पनीलाई सरकार तथा प्राधिकरणलाई नियमानुसार तिर्न बाँकी रकमबारे ३० दिनभित्र कार्यालयमा सम्पर्क गर्न प्राधिकरणले निर्देशन दिएको छ । अन्यथा, कानुन अनुसार कारबाही गर्ने चेतावनी समेत दिएको छ ।