काठमाडौं । सिंगटी हाइड्रोले नेपाल धितोपत्र बोर्डबाट हकप्रद सेयर जारी गर्न अनुमति पाएको छ ।अनुमति पाएसँगै हाइड्रोले हाल जारी पुँजीको १:१ अनुपातमा एक करोड ४५ लाख कित्ता हकप्रद सेयर जारी गर्नेछ ।

१०० रुपैयाँ अङ्कित उक्त परिमाणको एफपिओ जारी गरी कम्पनीले एक अर्ब ४५ करोड रुपैयाँ पुँजी सङ्कलन गर्नेछ । हाल कम्पनीको चुक्तापुँजी एक अर्ब ४५ करोड रुपैयाँ रहेको छ ।

कम्पनीको हकप्रद सेयर बिक्री प्रबन्धकमा कुमारी क्यापिटल लिमिटेड रहेको छ । कम्पनीले अन्य जलविद्युत आयोजनामा लगानी गर्न तथा कम्पनीको ऋण चुक्ता गर्न शतप्रतिशत हकप्रद सेयर जारी गर्न लागेको हो ।