आर्थिक सञ्जाल

काठमाडौं । चालु आर्थिक वर्षको तेस्रो त्रैमाससम्म आइपुग्दा अरुण काबेली पावरको नाफामा उल्लेख्य सुधार आएको छ । यस अवधिमा कम्पनीले ४ करोड ५३ लाख ६२ हजार रुपैयाँ नाफा कमाएको छ ।

गत वर्ष यसै अवधिमा कम्पनीको नाफा १ लाख ५० हजार रुपैयाँ मात्र थियो । अरुण काबेलीले बिजुली बेचेर आम्दानी गर्न थालेपछि यसको नाफामा ह्वात्तै सुधार आएको हो ।

यस अवधिमा कम्पनीले बिजुली बेचेर २२ करोड १ लाख १७ हजार रुपैयाँ नाफा कमाएको छ । गत वर्ष यसैअवधिमा कम्पनीको निर्माण काम नसकिएकाले बिजुली बिक्रीबाट कुनै आम्दानी गर्न सकेको थिएन ।

अरुण काबेलीले गत कात्तिक २३ गतेबाट काबेली बी–१ जलविद्युत आयोेजनाबाट २५ मेघावाट विद्युत उत्पादन गरी बिक्री गर्न थालेको छ ।

चैत मसान्तसम्म आइपुग्दा अरुणको चुक्ता पुँजी १ अर्ब ५० करोड रुपैयाँ रहेको छ । यता रिजर्भ कोषमा भने २ करोड ९८ लाख ५१ हजार रुपैयाँ छ । गत वर्ष यसको रिजर्भ कोष १ करोड ५३ लाख ८९ हजार रुपैयाँ ऋणात्मक रहेको थियो ।

चैत मसान्तसम्म आइपुग्दा यसको प्रतिसेयर आम्दानी ४ रुपैयाँ ०३ पैसा र पतिसेयर नेटवर्थ १०१ रुपैयाँ ९९ पैसा रहेको छ ।