आर्थिक सञ्जाल २०७७ जेठ ५ गते सोमबार

काठमाडौं । नेपालमा थप ५३ जना कोरोना भाइरसका नयाँ संक्रमित भेटिएका छन् । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बाँकेमा एकैदिन ४६ जना पुरुष र १ महिलामा संक्रमण देखिएको बताएका छन् । त्यस्तै पछिल्लो अपडेट अनुसार मोरङमा १, गुल्मीमा १, धनुषामा १, रौतहटमा १, दाङमा १ र धादिङमा १ जना थप नयाँ संक्रमित पनि थपिएका छन् ।

उनीहरु सबै पुरुष हुन् । यस आधारमा ५३ जना नयाँ संक्रमित थपिएका हुन् ।योसँगै नेपालमा कुल संक्रमितको संख्या ३५७ जना पुगेको छ । संक्रमितहरुमध्ये २ जनाको निधन भइसकेको छ भने ३६ जना उपचारपछि निको भएर घर फर्किएका छन् ।

यसअघि सोमबार बिहान पनि ९ जनामा संक्रमण देखिएको थियो । यससँगै सोमबार मात्रै ६२ जना संक्रमित फेला परेका हुन् ।
यो संगै नेपालमा कोरोना संक्रमितको संख्या ३५७ पुगेको छ ।