Prabhu Insurance
stcnepal long ad
prabhu bank long ad

असार २९ गतेबाट समृद्धि फाइनान्सको ११ लाख ३५ हजार कित्ता संस्थापक सेयर लिलामी खुल्दै

civilbank long ad

काठमाडौं । समृद्धि फाइनान्सले असार २९ गते मंगलबारबाट संस्थापक समूहको ११ लाख ३५ हजार ५५८ कित्ता सेयर लिलामी बिक्री खुला भर्ने भएको छ । कम्पनीले यसअघि लिलामी बिक्री खुला गर्दा सबैमा आवेदन नपरेपछि पुनः बिक्री गर्न लागेको हो ।

कम्पनीले यसअघि १३ लाख ८० हजार ७१८ कित्ता सेयर लिलामीमा ल्याएको थियो । यसमा लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउ तोकी बोलकबोल माध्यमबाट आवेदन दिनु पर्नेछ ।

लिलामी भर्ने अन्तिम म्याद साउन ५ गतेसम्म तोकिएको छ । यसमा बिक्री प्रबन्धक बिओके क्यापिटल मार्केट नक्साल काठमाडौं तथा समृद्धि फाइनान्सको केन्द्रीय कार्यालय, हेटौँडा, पुतलीसडक, बुटवल, पोखरा र नारायणघाट शाखा कार्यालयबाट आवेदन सकिने छ ।

त्यसैगरी, बैंक अफ काठमान्डूको विराटनगर, विर्तामोड, जनकपुर, वीरगञ्ज, नारायणघाट, पोखरा, बुटवल, बाग्लुङ, घोराही, नेपालगञ्ज, धनगढी र सुर्खेत शाखा कार्यालयबाट पनि आवेदन दिन सकिनेछ । त्यसैगरी ज्योति विकास बैंकको महेन्द्रनगर कञ्चनपुर शाखाबाट पनि आवेदन दिन सकिनेछ ।


२७ असार २०७८, आइतवार ०८:५० बजे प्रकाशित

kathmandu gov long ad
nabilbank long ad