आर्थिक सञ्जाल बुधबार, २१ फागुन २०७६

काठमाडौ । सेन्ट्रल फाइनान्स लिमिटेडले ७ प्रतिशत नगद लाभांश शेयरधनीहरुको बैंक खातामा फागुन २१ गतेदेखि जम्मा गर्ने भएको छ ।

कम्पनीले हितग्राही खातामा उपलव्ध भएको बैंक खातामा उक्त लाभांश रकम जम्मा गर्ने भएको हो । कम्पनीको फागुन १६ गते सम्पन्न २३औं वार्षिक साधारण सभाले चुक्तापूँजीको ७ प्रतिशत नगद लाभांश वितरण गर्ने प्रस्ताव पारित गरेको थियो ।

हालसम्म पनि शेयर प्रमाणपत्र अभौतिकीकरण नगराएका शेयरधनीले शेयर अभौतिकीकरण गराई हितग्राही खातामा बैंक खाता सहितको विवरण अद्यावधिक गराएपछि मात्र नगद लाभांश जम्मा गरिदिने कम्पनीले उल्लेख गरेको छ । कम्पनीको शेयर रजिष्ट्रारमा एनएमबि क्यापिटल रहेको छ ।