काठमाडौं । आफ्नो जन्मदिन बालबालिकाका साथ मनाएकी छिन् । मिस नेवाः ११३९ नितु डंगोलले शुक्रवार परेको आफ्नो जन्मदिन नयाँवानेश्वरको संगमचोकमा अवस्थित अनाथ आश्रम न्यु नेपाल सोसाइटी सेन्टरमा आश्रित बालबालिकाका साथ मनाएकी हुन् ।

डंगोलले आश्रममा आश्रित ४० बालबालिकाका बीच केक काटेर जन्मदिन मनाइन् । सो अवसरमा नितुले बालबालिकाको अध्ययनमा सघाउन उनीहरुलाई कपी, कलम, इरेजर, कटर लगायतका शैक्षिक सामग्री उपलब्ध गराएकी थिइन्। डंगोलले बालबालिकाको खानपानमा सघाउन खाद्य सामग्री पनि उपलब्ध गराएकी थिइन् ।
आफ्नो जन्मदिन फजुल खर्च गरेर मनाउनुको साटो बालबालिकाको दैनिकी र शिक्षामा सघाउन खाद्यान्न तथा कपी कलम उपलब्ध गराउँदा आत्मसन्तुष्टी मिलेको डंगोलले बताइन् ।

डंगोलले मिस नेवाःको आयोजक संस्था नेप्लीज फेसन होमकी अध्यक्ष हेमा मानन्धर, नयाँ मिस नेवाः कृषा महर्जन, फष्ट रनर्सअप प्रिया तुलाधर लगायतका आश्रममा पुगेर सहयोग गरेकी थिइन् ।