काठमाडौं । चलचित्र ‘दिमाग खराब’को ट्रेलर सार्वजनिक भएको छ । सार्वजनिक ट्रेलरमा आम नागरिकले कसरी आफ्नै देशमा मुठ्ठीभर भ्रष्ट व्यक्तिहरुबाट शोषित भइरहनु परेको छ भन्ने विषय समोवश छ । र, उसले गर्ने संघर्ष ट्रेलरमा देखिन्छ ।

मेयर संलग्न म्यानपावरले लगाइदिएको गलत भिषाका कारण आफू विदेश जान नपाएको थाहा पाएपछि ती पात्रले गर्ने संघर्ष र परिवर्तन सिनेमाको मुख्य कथा हो । यसैक्रममा समाज र राजनीतिसँग जोडिएका विभिन्न पात्रलाई ट्रेलरमा देखाइएको छ ।

सिनेमा आर्टस ब्ल्याक हर्स पिक्चर्सको निर्माण रहेको सिनेमामा खगेन्द्र लामिछाने, दयाहाङ राई, स्वस्तिमा खड्का, अपर्ण थापा, विजय बराल, सुमन कार्की, पुष्कर गुरुङ, माओत्से गुरुङ, राजन खतिवडालगायतको अभिनय छ ।

निर्देशक निश्चल बस्नेत र भिनेत्री सुपुष्पा भट्ट पनि सिनेमाको एक गीतमा विशेष भूमिकामा छन् ।आकाश बरालको लेखन र मनोज पण्डित स्क्रिप्ट डाक्टर रहेको चलचित्र राजनीतिक विषयमा केन्द्रित छ । चलचित्र तिहारको अवसर पारेर कात्तिक २४ गतेबाट प्रदर्शनमा आउँदै छ ।

४ कात्तिक २०८०, शनिवार ०७:४४ बजे प्रकाशित