हिमालयन बैंकको खुद नाफा २८.४२ प्रतिशतले बढेर ९५ करोड ४७ लाख रुपैयाँ पुगे
काठमाडौं । चालु आर्थिक वर्षको दोस्रो त्रैमाससम्म आइपुग्दा हिमालयन बैंकको खुद नाफा २८.४२ प्रतिशतले बढेर ९५ करोड ४७ लाख रुपैयाँ पुगेको छ ।
गत वर्षको यसैअवधिमा यसले ७४ करोड ३४ लाख रुपैयाँ खुद नाफा कमाएको थियो । बैंकको खुद ब्याज आम्दानी र सञ्चालन नाफा क्रमशः ९०.३९ प्रतिशत र ३०.८० प्रतिशतले बढेको छ ।
हाल यसको चुक्ता पुँजी १४ अर्ब ६२ लाख रुपैयाँ रहेको छ । यसको रिजर्भ कोषमा भने ७ अर्ब ४२ करोड रुपैयाँ रहेको छ ।
पुस मसान्तसम्म आइपुग्दा वितरणयोग्य नाफा ८ करोड ७२ लाख रुपैयाँ छ । यसको प्रतिसेयर आम्दानी २ रुपैयाँ १६ पैसाले बढेर १३ रुपैयाँ ६३ पैसा र प्रतिसेयर नेटवर्थ १५३ रुपैयाँ ६२ पैसा छ ।
८ माघ २०७९, आइतवार ०७:०८ बजे प्रकाशित
