काठमाडौं  ।  नेपाल राष्ट्र बैंकले आइतबार बैंकिङ प्रणालीबाट २५ अर्ब रुपैयाँ तरलता खिच्ने भएको छ । राष्ट्र बैंकले  बैंकिङ  प्रणालीमा रहेको अधिक तरलता बोलकबोलका माध्यमबाट खिच्ने भएको हो ।

बैंकहरुले लगानी अपेक्षित रुपमा बढाउन नसकेपछि राष्ट्र बैंकले प्रणाली तरलता नियमित रुपमा खिच्दै आएको छ । तर, गत साता मात्रै राष्ट्र बैंकले सार्वजनिक गरेको मौद्रिक नीति समिक्षा मार्फत नन् डेलिभरएवल फर्वाडमा लगानी गर्नसक्ने सीमा बढाउँदा बैंकहरुले थप २५ देखि ३० अर्ब लगानी गर्न वैकल्पिक बाटो पाएका छन् ।

आइतबार बोलकबोल मार्फत २१ दिनको लाथि तरलता खिच्ने भएको हो । १३ फागुनमा २५ अर्बको निक्षेप संकलन उपकरण बोलकबोल गरेकोमा ९ अर्ब ८० करोडको मात्रै अनवेदन परेको थियो । उक्त उपकरणको औसत ब्याजदर ३ प्रतिशत कायम भएको थियो ।