काठमाडौं । नेपाल क्लियरिङ हाउसले १२औं वार्षिक साधारण सभा आइतबार सम्पन्न गरेको छ।

वार्षिक साधारण सभाले २८.५ प्रतिशत बोनस सेयर र बोनस सेयरको कर प्रयोजनका लागि १.५ प्रतिशत नगद लाभांश वितरण गर्ने निर्णय गरेको छ।

बेनस वितरण पछि कम्पनीको चुत्ता पुँजी १ अर्ब ६६ लाख ३७ हजार ९०० रूपैयाँ बराबरको हनेछ साथै बैठकले अधिकृत पुँजी वृद्धि गरी २ अर्ब रूपैयाँ पुर्‍याउन स्वीकृत गरेको छ।

कम्पनीले पूँजी वृद्धी मार्फत नेशनल पेमेन्ट स्वीचमा लगानी गर्नका साथै नेशनल तथा क्रस बोर्डर कारोबारका लागि थप भुक्तानी प्रणाली पूर्वाधार विकास तथा विस्तार गर्ने र जोखिम व्यवस्थापनलाई सुढृढ बनाउनका लागि उक्त पुँजी प्रयोग गर्नेछ।

साधारण सभाको बैठकले कम्पनीको सेयर स्वामित्व संरचनामा साविक झैं नेपाल राष्ट्र बैंक र बैंक वित्तीय संस्थाहरू मात्र कायम रहने गरीे गाभ्नरगाभिन वा प्राप्त गर्न सञ्चालक समितिलाई अख्तियारी प्रदान गरेको छ।

त्यस्तै, एनसीएचएलले वित्तीय तथा भुक्तानीसम्बन्धी प्रविधिमा अनुसन्धान लगायत प्रविधि र सफ्टवेयरको विकास समेत गर्ने उद्देश्य सहित कम्पनीको सहायक कम्पनीको रुपमा छुट्टै पब्लिक लिमिटेड कम्पनी खोल्ने सम्बन्धमा सम्भाव्यता अध्ययन गर्नेछ।