काठमाडौं । सरकारले पहिलो त्रैमासमा उठाइने आन्तरिक ऋणको सीमा बढाएको छ । केन्द्रिय बैंकले यसअघि पहिलो त्रैमासमा  ५५ अर्ब आन्तरिक ऋण उठाउने तालिका सार्वजनिक गरेको थियो ।

तर, त्यसमा  परिमार्जन  गर्दै यो त्रैमासमै ८० अर्ब आन्तरिक ऋण उठाउने तयारी रहेको जनाएको छ । हालसम्म राष्ट्र बैंकले ६४ अर्ब आन्तरिक ऋण उठाइसकेको छ । पछिल्लो केहि वर्षदेखि दबाबमा रहेको  राजस्व संकलन यो वर्ष पनि कायम रहेकाले आन्तरिक ऋण बढी उठाउन लागेको हो ।

राष्ट्र बैंकका परिमार्जित तालिकाअनुसार पहिलो त्रैमासमा कुल आन्तरिक ऋणको ३३.३ प्रतिशत उठाउने लक्ष्य छ । यसमा ५ अर्बको ट्रेजरी बिल र ७५ अर्बको विकास ऋणपत्र हुनेछ । प्रस्तावित तालिकालाई अर्थ मन्त्रालयले स्वीकृत गरेपछि ऋण उठाउने प्रक्रिया अघि बढ्नेछ ।