काठमाडौं । ग्लोबल आइएमई समुन्नत योजना–१ आगामी चैत ११ गते परिपक्क हुने भएको छ । २०७२ साल माघ १३ गते योजना सञ्चालनको अनुमति पाएको योजना व्यवस्थापक ग्लोबल आइएमई क्यापिटलले योजना खारेजी गर्ने जनाएको छ ।

योजना व्यवस्थापकका अनुसार सामूहिक लगानीकोष नियमावली, २०६७ मा भएको व्यवस्था अनुसार  योजना  खारेजीका लागि नियामक निकाय नेपाल धितोपत्र बोर्डलाई जानकारी गराएको छ । योजना खारेजी प्रक्रियाका लागि चैत ९ गते बिहीवारसम्म कायम इकाई धनीहरूलाई योग्य गराईने योजना व्यवस्थापकले जनाएको छ ।

योजना खारेजी पछिको योजना अन्तर्गतका सम्पत्तिलाई नगदमा परिणत गरी इकाईधनीहरूलाई उनीहरूको स्वामित्वको आधारमा भुक्तानी दिईने जनाएको छ । यस योजनाको इकाईहरू खरीद गरी हालसम्म पनि आफ्नो इकाई अभौतिकिकरण नगराएका इकाईधनीहरूलाई यथासिघ्र गराउन समेत योजना व्यवस्थापकले आग्रह गरेको छ ।

यस योजनाले आर्थिक वर्ष २०७६/७७ को मुनाफाबाट ४ प्रतिशत र आर्थिक वर्ष ०७७/७८ को मुनाफाबाट १०० प्रतिशत नगद लाभांश वितरण गरेको थियो ।