काठमाडौं । एनएमबिको सुलभ इन्भेष्टमेन्ट फन्ड–२ बुधबार नेपाल स्टक एक्सचेन्ज (नेप्से)मा सूचीकृत भएको छ । नेप्से र एनएमबि क्यापिटलबीच बुधबार भएको सम्झौताअनुसार १२ करोड २१ लाख इकाई म्युचुअल फन्ड सूचीकृत भएको हो ।

प्रति इकाई १० रुपैयाँ कायम भएको म्युचुअल फन्ड सूचीकृत भएको हो । सूचीकृत म्युचुअल फन्डका इकाई बिहीबारदेखि दोस्रो बजारमा कारोबार हुनेछ ।

दोस्रो बजारमा एनएसआइएफ–२ को नाममा कारोबार हुनेछ । एनएमबि सुलभ इन्भेष्टमेन्ट फन्ड –२ एनएमबि  क्यापिटल लिमिटेडको सामूहिक लगानी कोष योजना अन्तर्गत संचालित योजना हो ।

क्यापिटलले साउन २६ गतेदेखि भदौ ९ गतेसम्म उक्त म्युचुअल फन्ड योजनाको १२ करोड इकाई बिक्री खुला गरेको थियो ।