काठमाडौं । नेपाल इन्भेष्टमेन्ट बैंकले चालु आर्थिक वर्षको तेस्रो त्रैमासमा २ अर्ब ४९ करोड ५५ लाख २७ हजार रुपैयाँ खुद नाफा कमाएको रिपोर्ट सार्वजनिक गरेको छ । यो नाफा रकम गत वर्षको भन्दा २.७३% थोरै हो । गत वर्ष बैंकले २ अर्ब ५६ करोड ५६ लाख रुपैयाँ खुद नाफा कमाएको थियो ।

यता, बैंकको खुद ब्याज आम्दानी र सञ्चालन नाफा क्रमशः ७.६५% र ३.३०% ले घटेको छ । एक वर्षको अन्तरालमा बैंकको वितरण योग्य नाफा पनि ८२.८०% ले घटेको छ । चैत मसान्तसम्म बैंकले १ खर्ब ५६ अर्ब रुपैयाँ निक्षेप संकलन गर्दा १ खर्ब ३८ अर्ब रुपैयाँ कर्जा प्रवाह गरेको छ ।