काठमाडौं । नेपाल राष्ट्र बैंकका गभर्नर महाप्रसाद अधिकारी काम गर्न पाउने भएका छन् । सर्वोच्च अदालतले गभर्नरमाथिको कारवाही यथास्थितिमा राख्नु भन्ने आदेशलाई शुक्रबार निरन्तरता दिएको छ ।

अदालतको यस आदेशसँगै गभर्नर अधिकारीले निरन्तर काम गर्न पाउने भएका छन् । मुद्दाको अन्तिम फैसला भने भएको छैन ।

न्यायाधीश सपना प्रधान मल्ल र टंकबहादुर मोक्तानको इजलासले यसअघिको अल्पकालीन अन्तरिम आदेशलाई शुक्रबार निरन्तरता दिएको हो ।

यसअघि न्यायाधीश हरि फुयालको एकल इजलासले गभर्नरलाई काममा फर्किन पाउने गरी अल्पकालीन अन्तरिम आदेश दिएको थियो । गत चैत २४ गतेको मन्त्रिपरिषद बैठकले गभर्नरमाथि जाँचबुझ गर्न समिति गठन गरेको थियो । त्यससँगै उनी निलम्बनमा परेका थिए ।