citizens life insurance long ad
stcnepal long ad
Himalayan bank
national life

कात्तिक १६ गते कुमारी बैंकको २१ औं वार्षिक साधारण

Prabhu Insurance Long Ad
himalayan Everest Insurance long ad

काठमाडौं । कुमारी बैंकले ८.६७ प्रतिशत लाभांश अनुमोदन गर्न मंगलबार कात्तिक १६ गते २१ औं वार्षिक साधारण सभा डाकेको छ ।

सभा बैंकको रजिष्टर्ड कार्यालय टंगाल, काठमाडौंमा बिहान ११ः३० बजेदेखि सुरु हुनेछ । सञ्चालक समितिले प्रस्ताव गरेको चुक्ता पुँजीको ६ प्रतिशत बोनस सेयर र २.६७ प्रतिशत नगद लाभांश (कर सहित) वितरण प्रस्ताव पारित गर्ने एजेन्डा रहेको छ ।

साधारण सभा तथा लाभांश वितरण प्रयोजनका लागि बैंकले कात्तिक ८ गते सोमबार बुक क्लोज गरेको छ । कात्तिक ७ गते आइतबारसम्म कायम सेयरधनीले लाभांश प्राप्त गर्न तथा सभामा सहभागी हुन पाउनेछन् ।

कोरोनाका कारण भर्चुअल रुपमा सभामा उपस्थित हुने सेयरधनीलाई मिटिङ आइडी र पासवर्ड उपलब्ध गराइने बैंकले जनाएको छ ।

सभामा अन्य उपयुक्त संस्थासँग मर्जर, एक्विजिसन गर्न तथा वैदेशिक रणनीतिक साझेदारीमा जान उपयुक्त देखिएमा सो सम्बन्धि सम्पूर्ण कार्य गर्न सञ्चालक समितिलाई अख्तियारी दिने प्रस्ताव पनि छ ।

himalayan life insurance
igi long