आर्थिक सञ्जाल । बिहीबार, ८ फागुन २०७६

काठमाडौं । एनआईसी एशिया लघुवित्त वित्तिय संस्थाले दोस्रो त्रैमासको अन्त्यसम्ममा ११ करोड १२ लाख रुपैयाँ खुद नाफा आर्जन गर्न सफल भएको छ । संस्थाले गत बर्षको सोहि अवधिमा ५ करोड ७७ लाख रुपैयाँ खुद नाफा आर्जन गरेको थियो । गत बर्षको तुलनामा संस्थाको नाफा १३ प्रतिशतले बढेको हो ।
संस्थाको खुद ब्याज आम्दानी र संचालन नाफा बढेसँगै खुद नाफा पनि बढ्न पुगेको छ । दोस्रो त्रैमासको अन्त्यसम्ममा ७९ करोड ४९ लाख रुपैयाँ निक्षेप तथा ४ अर्ब ७ करोड ७१ लाख रुपैयाँ सापटीबाट ५ अर्ब ३४ करोड ८० लाख रुपैयाँ कर्जा लगानी गरेको यस संस्थाले सो अवधिसम्ममा २२ करोड ४ लाख रुपैयाँ खुद ब्याज आम्दानी गर्न सफल भएको छ । पुस मसान्तसम्मको वित्तिय विवरणका अनुसार संस्थाको संचालन मुनाफामा ७ करोड ४९ लाख रुपैयाँले बढेर १६ करोड २६ लाख रुपैयाँ पुगेको छ ।
१ अर्ब ४५ लाख रुपैयाँ चुक्ता पुँजी रहेको संस्थाको जगेडा कोषमा २१ करोड ८८ लाख रुपैयाँ संचित रहेको छ ।

८ फागुन २०७६, बिहीवार १४:०८ बजे प्रकाशित