आर्थिक सञ्जाल । बुधबार, ७ फागुन २०७६
काठमाडौं । एनआईसी एशिया बैंकले उपत्यका भित्र र वाहिरका शाखा कार्यालयको लागि १५० जना ट्रेनी असिस्टेन्ट माग गरेको छ । बैंकले सातै प्रदेशका विभिन्न जिल्लाहरुमा रहेका आफ्ना शाखाका लागि ट्रेनी असिस्टेन्ट पदमा १५० जना कर्मचारी पदपूर्ति गर्न लागेको हो ।

यो इन्ट्री लेभलको पद हो । यो पदका लागि बिजनेस, फाइनान्स, म्यानेजमेन्ट वा अकाउन्टेन्सीमा कम्तीमा एसएलसीदेखि स्नातक तहसम्म ५० प्रतिशत वा सीजीपीए २.५ ल्याएको हुनु पर्नेछ ।
यस पदका लागि १८ वर्ष पूरा भई ३० वर्ष ननाघेका उम्मेदवारले दरखास्त दिन सक्नेछन् । दरखास्त दिने अन्तिम म्याद आउँदो मार्च ४ तारिखसम्म तोकिएको छ।                                                                                                                      इच्छुक उम्मेदवारले www.merojob.com/nicasiabank मा गएर अनलाइन दरखास्त दिनु पर्नेछ । छनोट भएका उम्मेदवारले बैंकले खटाएको उपत्यका र उपत्यका बाहिरका कुनै पनि शाखा कार्यालयमा काम गर्नु पर्नेछ ।