काठमाडौं । बैंक तथा वित्तीय संस्थाको गैर बैंकिङ सम्पत्ति र खराब कर्जा व्यवस्थापनका लागि ‘सम्पत्ति व्यवस्थापन कम्पनी’ स्थापना गरिने भएको छ ।

राष्ट्रपति रामचन्द्र पौडेलले शुक्रबार संसद्मा आगामी आर्थिक वर्ष २०८२/८३ को नीति तथा कार्यक्रम प्रस्तुत गर्दै यस्तो बताएका हुन् ।

यस्तै, दोस्रो वित्तीय क्षेत्र विकास रणनीति लागू गरिने पनि नीति तथा कार्यक्रममा उल्लेख छ । ‘बैंक तथा वित्तीय संस्थाको गैर बैकिङ सम्पत्ति र खराब कर्जा व्यवस्थापनका लागि सम्पत्ति व्यवस्थापन कम्पनी स्थापना गरिनेछ ।

सूचना प्रविधि पूर्वाधार विस्तार गरी डिजिटल अर्थतन्त्रको विकास र नगदरहित वित्तीय कारोबार अभिवृद्धि गरिनेछ,’ नीति तथा कार्यक्रममा उल्लेख छ । नीतिगत तथा कानुनी व्यवस्था गरी डिजिटल बैंक स्थापना गरिने पनि नीति तथा कार्यक्रममा उल्लेख छ ।