काठमाडौं । ग्लोबल आइएमई बैंक लिमिटेडले शेयरधनीलाई बोनस शेयरमा लाग्ने करबापतको रकम जम्मा गर्न आग्रह गरेको छ ।

बैंकको ०८१ मंसिर २७ गते सम्पन्न १८औं साधारणसभाले आर्थिक वर्ष ०७९/८० को मुनाफाबाट शेयरधनीलाई ५.५ प्रतिशत बोनस शेयर वितरण गर्ने प्रस्ताव पारित गरेको थियो । बैंकले सोबापतको कर जम्मा गर्न आग्रह गरेको हो ।

ग्लोबल आइएमई बैंक साबिक बैंक अफ काठमाण्डु एकापसमा गाभिएर ०७९ पुस २५ देखि एकीकृत कारोबार शुरु गरेका थिए ।

अतः गाभिएको मितिसम्म कायम शेयरधनीलाई गाभिएको मितिदेखि दुई वर्षसम्म वितरण गरेको लाभांशमा कर नलाग्ने व्यवस्था छ । तर एकीकृत कारोबार भएपछि भने कर लाग्छ ।

सोही बमोजिम मंसिर ८ गतेसम्मको शेयर कारोबारबाट प्राप्त लाभांशमा कर लाग्ने व्यवस्था अनुसार ५.५ प्रतिशत शेयरको ५ प्रतिशत कर जम्मा गर्न बैंकले एक सूचनामार्फत आग्रह गरेको छ ।

साथै, शेयर धितो राखेर कर्जा लिएका शेयरधनीको हकमा भने सम्बन्धित बैंकबाट कर्जा फुकुवा प्रमाणपत्र प्राप्त भएपछि मात्रै बोनस शेयर सम्बन्धित शेयरधनीको खातामा जम्मा गरिने पनि कम्पनीले जनाएको छ ।