काठमाडौं । नेपाल इन्फ्रास्ट्रक्चर बैंक (निफ्रा)को आज बिहीबार पुस ४ गते छैटौं वार्षिक साधारण सभा बस्दैछ । नेपाल इन्फ्रास्ट्रक्चर बैंक (निफ्रा) र सोल्टी होटलको साधारण सभा बस्न लागेको हो ।

बैंकले यसपटक भने लाभांश सम्बन्धी कुनै प्रस्ताव गरेको छैन । तसर्थ, यो पटक सेयरधनीको हात खाली हुनेछ ।

साधारण सभामा आर्थिक वर्ष २०८०/८१ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ ।

त्यस्तै, आर्थिक वर्ष २०८१/८२ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ । साधारण सभा प्रयोजनका लागि कम्पनीले मंसिर २१ गते बुक क्लोज गरिसकेको छ ।

तसर्थ, मंसिर २० गतेसम्म कायम रहने सेयरधनी मात्र सभामा भाग लिन पाउन सक्नेछन् ।  निफ्राको वार्षिक साधारण सभा कार्की ब्यांक्वेट, बबरमहल हाइट, काठमाडौंमा बिहान ९ बजेबाट सुरु हुनेछ ।