काठमाडौं । शाइन रेसुंगा डेभलपमेन्ट बैंकको लाभांश सुरक्षित गर्ने आज पुस २ गते मंगलबार अन्तिम दिन हो ।

यस बैंकले साधारण सभा तथा लाभांश प्रयोजनको लागि पुस ३ गते बुक क्लोज गर्दैछ । तसर्थ, आजसम्म कायम सेयरधनीले कम्पनीले प्रस्ताव गरेको लाभांश हात पार्न सक्नेछन् ।

गत वर्षको नाफाबाट यस बैंकले ३ प्रतिशत बोनस सेयर र ५ प्रतिशत नगद (करसहित) लाभांश वितरण गर्दैछ ।

उक्त लाभांश प्रस्ताव पारित गर्न शाइन रेसुंगाले पुस १९ गते वार्षिक साधारण सभा बोलाएको छ । साधारण सभा, ड्रिमल्याण्ड गोल्ड रिसोर्ट एन्ड प्रालि। मणिग्राम, रुपन्देहीमा बिहान ११ बजेबाट सुरु हुनेछ ।