काठमाडौं नेसनल लाइफ इन्स्योरेन्सले गत आर्थिक वर्षको चौथो त्रैमासको अन्त्यसम्ममा ४० करोड ८८ लाख ९३ हजार रुपैयाँ खुद नाफा कमाएको छ ।

अघिल्लो वर्ष यस इन्सुरेन्सले ४० करोड १२ लाख १० हजार रुपैयाँ खुद नाफा आर्जन गरेको थियो । खुद नाफा १.९१ प्रतिशत ले बढेको हो । कम्पनीले नोक्सानी व्यवस्थाका लागि ८३ लाख ५४ हजार रुपैयाँ छुट्याएको छ । साथै, यसको व्यवस्थापन खर्च पनि सामान्य बढेको छ । जसको असर नाफामा परेको देखिएको छ ।

असार मसान्तसम्म कम्पनीको जगेडा कोष २४.४० प्रतिशतले घटेर ६६ करोड ७१ लाख रुपैयाँ पुगेको छ। अघिल्लो वर्ष यसको जगेडामा ८८ करोड २४ लाख रुपैयाँ रहेको थियो ।

जीवन बिमा कोषको आकार भने २०.५८ प्रतिशतले बढेर ५१ अर्ब १५ करोड रुपैयाँ पुगेको छ । अघिल्लो वर्ष बिमा कोष ४२ अर्ब ४२ करोड रुपैयाँ रहेको थियो ।

खुद बिमा शुल्क आर्जन १७.८८ प्रतिशतले बढेर १४ अर्ब २८ करोड रुपैयाँ पुगेको छ । नेसनलको चुक्ता पुँजी ४ अर्ब ३ करोड ५१ लाख ५८ हजार रुपैयाँ रहेको छ ।

असार मसान्तसम्म आइपुग्दा यसको प्रतिसेयर आम्दानी १० रुपैयाँ १३ पैसा रहेको छ भने प्रतिसेयर नेटवर्थ १२५ रुपैयाँ १९ पैसा छ ।