काठमाडौं । हिमालयन जनरल इन्स्योरेन्सको शुक्रबार जेठ २८ गते वार्षिक साधारण सभा बस्ने भएको छ । सभा कम्पनीको केन्द्रीय कार्यालय थापागाँउ काठमाडौंमा भर्चुअल माध्यमबाट बिहान ११ बजे सुरु हुनेछ ।

सभामा कम्पनीले ६.७५ प्रतिशत लाभांश वितरण गर्ने प्रस्ताव पेश गर्दैछ । यसले आर्थिक वर्ष २०७६/०७७ को मूनाफाबाट ३ प्रतिशत बोनस र कर प्रयोजनसहित ३.७५ प्रतिशत नगद लाभांश वितरण गर्न लागेको हो ।

साधारण सभामा कम्पनीको प्रबन्धपत्र तथा नियमावलीमा आवश्यक संशोधन गर्ने बारे सम्पूर्ण अधिकार सञ्चालक समितिलाई पूर्ण अख्तियारी दिने प्रस्ताव पनि छ । साथै, आर्थिक वर्ष २०७७०/७८ को लागि लेखापरिक्षक नियुक्त गर्ने एजेन्डा पनि रहेको छ ।

सभा प्रयोजनका लागि हिमालयनले जेठ १३ गतेदेखि २८ गतेसम्म बुक क्लोज गरेको छ । जेठ १२ गतेसम्म कायम रहेका सेयरधनीले लाभांश सुरक्षित गर्न सक्नेछन् ।