काठमाडौं । काठमाडौ उपत्यकामा भदाै ३ गते बुधबार मध्यरातिदेखि भदौ १० गतेसम्म निषेधाज्ञा लागू गर्ने निर्णय मंगलबार काठमाडौ, ललितपुर र भक्तपुरका सीडीओ जनकराज दाहाल, नारायणप्रसाद भट्ट र हुमकला पाण्डे सहित सुरक्षा प्रमुखबीच छलफल पछि एक साताका लागि निषेधाज्ञाको निर्णय  गरेका छन् । राजधानीमा कोभिड १९ को संक्रमण बढिरहेका बेला उपत्यकाका तीनै जिल्लाका प्रमुख जिल्ला अधिकारी र तीनै जिल्लाका सुरक्षा निकायका प्रमुखहरुको काठमाडौं जिल्ला प्रशासन कार्यालयमा सकिएको बैठकले बुधबार राति १२ बजेबाट लागू हुने गरि निषेधाज्ञा जारी गर्ने निर्णय गरेको छ ।