काठमाडौं । दुगड अर्थमुभर्स प्रा. लि. ले टाटा हिटाची कन्स्ट्रक्सन मेसिनरी कम्पनी लिमिटेडको सहकार्यमा “हाइड्रो पावर कस्टमर मिट” कार्यक्रम सफलतापूर्वक आयोजना गरेको छ।

कार्यक्रममा हाइड्रो परियोजना सञ्चालकहरू, ठेकेदारहरू तथा सम्बन्धित सरोकारवालाहरूको उल्लेखनीय सहभागिता रहेको थियो।

कार्यक्रममा टाटा हिटाचीका प्रमुख अन्तर्राष्ट्रिय प्रतिनिधिहरूको उपस्थिति रहेको थियो:
जयकारा काल्माडी, एक्सपोर्ट हेड
सौरभ गुप्ता, सार्क कन्ट्री हेड
गोपी नाथ, एक्सपोर्ट एडमिन
कार्यक्रमको उद्घाटन एमभी दुगड समूहका अध्यक्ष श्री मोतीलाल दुगडले स्वागत मन्तव्यसहित गर्नुभयो। उहाँले नेपालका हाइड्रोपावर परियोजनाहरूमा दिगो सहकार्यको महत्वमाथि प्रकाश पार्नुभयो।

एमभी दुगड समूहको व्यवसायिक पोर्टफोलियो सम्बन्धी प्रस्तुति कार्यकारी निर्देशक श्री शुभम दुगडले दिनुभएको थियो, जसमा समूहको विविध व्यावसायिक क्षेत्र तथा पूर्वाधार विकासमा योगदानबारे जानकारी दिइयो।

प्राविधिक सत्रहरूमा:
जयकारा काल्माडीले टाटा हिटाचीको इतिहास तथा अन्तर्राष्ट्रिय उपलब्धिहरू प्रस्तुत गर्नुभयो।
सौरभ गुप्ताले टाटा हिटाचीका एक्स्काभेटर तथा ब्याकहो लोडरको उत्पादन दायरा, तिनको हाइड्रो परियोजनामा प्रयोग, कार्यक्षमता तथा फाइदाहरूबारे विस्तृत जानकारी दिनुभयो।

त्यसैगरी सोही कार्यक्रममा हाइड्रोपावर कन्ट्रक्सनको कामको लागि उपयुक्त हुने मेसिनहरूको बारेमा व्यापार प्रमुख-निरज सापकोटाले विस्तृत जानकारी दिनुभयो।

कार्यक्रमको मुख्य आकर्षण टाटा हिटाची उपकरणहरूको उच्च विश्वसनीयता (Reliability), टिकाउपन (Durability) तथा कठिन भौगोलिक अवस्थामा उत्कृष्ट प्रदर्शन मा केन्द्रित थियो।

कार्यक्रमको समापन एमभी दुगड समूहका उपाध्यक्ष श्री विवेक दुगडले धन्यवाद ज्ञापनसहित गर्नुभयो।

उक्त कार्यक्रममा टाटा हिट्याचीको सिनराई पावर ब्याकहो लोडर, Ex 215 Quarry Excavetor र zx 220 Lc Ultra Excavetor मेसिनहरु पनि प्रदर्शनमा राखिएको थियो।
साथै उक्त कार्यक्रममा विशेष वारेन्टी स्किम पनि उपलब्ध गराइएको थियो।

यस कार्यक्रममा हाइड्रो परियोजना सञ्चालकहरू तथा सम्बन्धित व्यक्तिहरूको सक्रिय सहभागिताले अनुभव आदान–प्रदान, सहकार्य विस्तार तथा भविष्यका अवसरहरू पहिचान गर्न महत्वपूर्ण भूमिका खेलेको छ।