एड्भान्स ड्राइभिङ असिस्टेन्स सिस्टम एक स्मार्ट प्रविधि हो, जसलाई सवारी साधनमा सुरक्षा र सुविधा बढाउन प्रयोग गरिन्छ। सो सिस्टमले क्यामेरा, सेन्सर, राडार र एआईको सहयोगमा काम गर्छ र चालकलाई सचेत गराउन, सवारी साधन नियन्त्रण गर्न र दुर्घटना रोक्न मद्दत गर्छ।

चिनियाँ इलेक्ट्रिक सवारी साधन निर्माण कम्पनी जिकरले आफ्ना ग्राहकलाई निःशुल्क रूपमा एड्भान्स ड्राइभर असिस्टेन्स सिस्टम उपलब्ध गराउने भएको छ । कम्पनीका सीईओ एन्डी एनले सो सुविधा अप्रिलमा सबै ग्राहकका लागि जारी गरिने बताए ।

जिकरको नयाँ प्रविधि एड्भान्स ड्राइभिङ असिस्टेन्स सिस्टमले एन्भिडिया ओरिन एक्स चिपसेट र लिडार सेन्सर प्रयोग गर्छ।

भविष्यमा सो सिस्टमलाई एन्भिडिया थोर चिपसेटको साथ लामो दुरी र छोटो दुरी लिडारमा प्रयोग गर्नेछ। जिकरको सो प्रविधि लिंक एण्ड कर्पोरेटको लागि पनि प्रयोग गरिनेछ र सम्भवतः जिली गाडीमा पनि प्रयोग गरिनेछ।