काठमाडौं । विकास बैंकहरूले चार महिनामा डेढ अर्ब खुद नाफा आर्जन गरेका छन्। सञ्चालनमा रहेका राष्ट्रिय स्तरका विकास बैंकहरूले चालु आर्थिक वर्षको पहिलो चौमासिकमा १ अर्ब ५४ करोड ५४ लाख रुपैयाँ बढी खुद नाफा कमाएका हुन् ।

चालु आवको कात्तिक मसान्तसम्ममा आइपुग्दा सबैभन्दा धेरै नाफा मुक्तिनाथ विकास बैंकले कमाएको छ। बैङ्कले चार महिनामा ३१ करोड ६० लाख रुपैयाँ बढी खुद नाफा कमाएको छ ।

दोस्रो सूचीमा भने शाइन रेसुङ्गा डेभलपमेन्ट बैंक छ। बैंकले चार महिनामा २५ करोड बढी खुद नाफा कमाएको छ। यस्तै, तेस्रो सूचीमा रहेको गरिमा विकास बैंकले २४ करोड ४ लाख रुपैयाँ नाफा कमाएको छ ।

यता, लुम्बिनी विकास बैंकले १८ करोड १० लाख, महालक्ष्मी विकास बैंकले १७ करोड १५ लाख, कामना सेवाले १७ करोड १० लाख, ज्योति विकास बैंकले ११ करोड २० लाख र सांग्रिला डेभलपमेन्ट बैंकले १० करोड २६ लाख रुपैयाँ नाफा कमाएका छन्।